ونقول اهلا ومرحبا وسهلا فيك بنشره يدييييييدة واتوقع انك مصدوم صح ؟ لا عادي قول مصدوم

قول مصدوم انك شفت نشرتين ورا بعض بدون انقطاع

وعلى طاري يديدة تحياتي لاهل الكويت الحبيبة 😁

بس ما قلت لك من النشره اللي راحت ان خلاص بنيت نظام لي

وابشرك الخير لقدام ، بس خلك مفتح عقلك طبق طبق طبق لان المقال اذا قريته وما استفدت منه عمليا راح على الفاضي ولك مني اذا طبقت وحاب اساعدك واعطيك ملاحظات ارسل لي على اكس وابشر

طيب مشكلتنا اليوم الكل صار يتفلسف

" هذا المحتوى حيخليك تحقق مبيعات ورسائل بالخاص "

" وهذا المحتوى حيجذب العملاء لك مباااشرة "

طبعا غير اللي يتفلسف بالمنصات ان كل منصه لها شي خاص فيها، وانا مني ضدهم ممكن يكون كلامهم صح لكن اللي ابغاك تشتغل عليه، وحعلمك عنه اليوم

هو كيف انت كخبير او مستشار او مدرب، تفهم الامر من منظور نفسي، بحيث ما تكون تطبق بدون فهم

يعني انت اليوم خبير لازم تكون عارف اللعبه كيف تمشي

طيب القصه باختصار يا صاحبي، اننا هنا عشان نبيع استشاره او خدمه او كورس في رحله يمر فيها كل عميل غصبا عنه

ومني مهتم لها، لكن حاذكرها بسرعه

وهي مرحله جذب ثم ثقة ثم بيع

اللي ابغاك تتعلمه بهذا المقال، كيف كل مرحله تتفن فيها وتطلع باساليب خاصه فيك ناجحه !

الفكره انك اليوم لازم تجذب ناس مهتم عشان تجذبهم لازم تتميز، واذا فهمت هذ النقطه طلعت فوق 70% من منافسينك اليوم

بكل بساطه لازم تخاطب جمهور مهو عارف اصلا وين مشكلته، مهو عارف اصلا ليه يحتاجك، مهو عارف شي

هو عباره عن جمهور فقط عنده اعراض لمشكله وعنده نقاط الم وهنا تجي انت تاخذه من مكانه لمكان عرف ان عنده مشكله وبدأ يبحث عن حل

وين اللعبه، انك تطرحها بافكار جريئه وقويه

تبغى مثال ؟

مثلا اليوم الخبراء يوم يقعدوا يشرحوا عن تخصصهم وخدماتهم، مثلا انت استشاري تقدم استشارات طبيه

لازم تطرح نقاط جديده بافكار جريئه صحيحه طبيا لكن الناس ماشيه عليها غلط

مثلا تعرف ان مشكلة الأطباء مو مع اكل السكريات بحد ذاته، لكن بسبب الارتفاع المفاجئ، وبسلوكية بسيطه جدا تقدر تحل هذ المشكله وتاكل سكر بكميات معقوله بدون مشاكل بجسمك !؟

ولو انت مختص باطلاق الحملات الاعلانيه

حتخاطب جمهور تقول له ترا المشكله مو اعلان، لان لو سوينا اطلق اعلان وجاب وصول وضغط على الرابط عالي، لكن العرض وطريقه عرضه وهيكلته ضعيفه كل التعب راح على الفاضي

طبعا منها نطلع باليات خاصه وطرق متميزه وتحول، بحيث تصير تقدم خدمات باسعار عاليه جدا، ممكن بعدين نتكلم عنها

لكن هنا انت تجذب ناس، تقول لها، تعالوا عندي فكر مميز عن اللي بالسوق اليوم، عندي القدره اتكلم من منبر شخص فهمان وعنده سلطه معرفيه، واخيرا عندي الحل والمنهجية والاليه الخاصه فيني المتميزه بكل السوق

ترا لو تفكر فيها

انا عندي اعراض مشكله، انت وعيتني بالمشكله لكن ربطت فكري معك، هنا فيه بناء احتكار للبراند قوي، فانا صرت مرتبط معك انت مو بس مع المشكله

عيد مره ثانيه الجمله اللي قبل ترا مهم

و هنا تبدأ تبني الثقه

وقبلها في نقطه حتلاحظها بشكل صريح يتكلموا عنها حقين الـ high-ticket ، وهي فكره انك بهذا السياق تبيع التعامل معك وليس الخدمه نفسها

وترا الفرق كبيــــــــــر

يعني يوم ادفع 10k و 20k ريال، انا ترا استثمر بالشغل معك، مو عشان الموقع اللي حتصممه لي

ومن هنا تفهم لازم تظهر براندك الشخصي بمحتواك وبشكل قوي

وعشان كذا تسمع كل حقين البراند الشخصي يزعجوك بموضوع القيم، تراه شي صح !

بغض النظر عن الفلسفه الزايده اللي فيه لكنه شي جدا صحيح

نرجع لموضوعنا عند بناء الثقه

بكل بساطة وباختصار

الثقة = تراكمات

يب خلصنا 😁

لا عشان اكون صريح وصادق معك، مافي بوست او نوعيه وحده حتسويها حتخلي الناس تثق فيك

لكن متى انا اثق فيك

يوم اسمع قصصك، يوم اشوف افكارك، طريقتك، اسلوبك، قيمك، ومنظوراتك الفكيرة، تجاربك، وغيرها

وعشان كذا لو تلاحظ انا الان اكتب لك مقالات اشاركك فيها افكاري وطرية تفكيري بشكل اعمق

واتوقع انك ملاحظ بديت انزل فيديوهات لنفس السبب

لان بهذ الامثله، انا اقدر اخذ راحتي ببناء الثقه معك، وترا عادي جدا، وهذا شي ايجابي

انك تبني ثقه مع عميلك شي لصالحك حتى لو ما شرى معاك

انا بصراحه اليوم ادعم ناس كثير بانستا بسبب محتواهم اني تعلمت منه الكثير، صحيح شريت من عندهم كورسات لكن فعلا مقالاتهم لحالها قويه

وبصراحه اقولها لك

متى تأكدت ان هذا المنظور هو اقوى شي

يوم قدم الورشه قبل فتره ، كانت ورشه عن بناء منظومه نمو للي يذكرها

اللي صار داخل الورشة كل اساليب بناء ثقه

من قصص، من تجارب، من تفكير، من قيم، وغيرها

بورشه واحده مدتها ساعه ونص تقريبا

وبعدها مباشره اللي دفع

وحط تحت دفع خمسين خط

دفع لاستشاره وخدمه ومعسكر

فمن هنا اقول لك الثقه يبيلها وقت، لكن حط ببالك 12 اسبوع كافيه وزياده تحدد هل مؤشرات المشروع صحيحه ام خطأ عشان تعدل وتمشي صح

وبس والله هذا مقال اليوم

ابغاك تطبق وتستفيد او تتواصل معي اساعدك، الاهم تاخذ خطوه، لا تضيع وقت على الفاضي

عشان ما تندم بعدييين، لان الى الان الفرص بالسوق كبيره وقادر تستغلها صح

يالله خذ قرار وباااااشر و ولع الدنيا 🔥.