اش رايك، وقبل ما ترسل لقطه اللاعب الارجنتيني وهو يشد بقميص اللاعب المصري
نقول السلام عليكم ورحمه الله وبركاته اسعد الله مساءكم بكل خير
اكتب الكلمات هذ عصر الاربعاء وحارسلها لكم مباشره لان وراي كثيــــر شغل، لكن قلت الا الدوافير ما اسحب عليهم مع انهم ما يتفاعلوا ولا يعززوا للنشرة لكن بيننا يوم 😜
طيب الفكره اشوف بالتايم لاين صور ولقطات مختلفه
بين ناس تقول والله ظلم وشوف هذ اللقطه
وناس تقول نتقبل الخساره نحن قصرنا وشوفوا هذ اللقطات صريحه وواضحه مافيها شي
بعض النظر هي صحيحة ولا ظلم
اللي ابغاك تسأله لنفسك ليه العدد الغالب مع فكره انه ظلم تحكيمي
حتى اللي ما شاف المباراة ولا اللقطات !!
تعرف ليه ؟
لانه بكل بساطه تشكل عندنا صوره ذهنية للفيفا
بعد ما حضرة ترامب قال والله ليرجع لاعبنا بلا احمر بلا ازرق
وقصص ثانية سابقه
صارت النظره والصوره الذهنيه للفيفا انهم كتّاب سيناريوهات شاطرين
فهي الفكره نفسها بالضبط تنطبق عليك بالسوق
لكن بالعكس
الان في اشخاص اليوم ايش ما نزل عن التسويق ٩٠٪ نقول كلامه صح
ليه ؟
هو مَلَاك
لا
لكن لانه بنى صوره و( تموضع ) وقدر يصل لـ (( سلطة معرفية )) خلته ايش ما يقول صح
واي شي ضده خطأ
فهمت الفكره ؟
طيب كيف تصير خلف الكواليس
الفكره نحن كبشر يوم نشوف شخص يتكلم من زاويه شخص مرّ بتجارب وخبره عاليه، وشخص قريب منا حبيب لكنه قوي
واتوقع انك الان تخيلت شخص ببالك
-طبعا غيري انا يعني، ول يالثقة اللي عندك يالدافور 😅😂 -
هذا الشخص وقت يتكلم الكل يقول انه صح ، لانه قدر يوصل للناس بالطريقة اللي هم يحبوها
وهذا الموضوع حنبدأ نتكلم عنه من النشره الجاية
ومن نظره ثاني
عملية بناء التموضع بسيطه ترا
سواء براند شخصي او تجاري
انت حتحدد نقطه بعد ما تكون درست السوق وسويت الـ stp المشروحه باليوتيوب الف مره
بعدها تحدد نقطه تتموضع فيه
كذا نجحنا ؟ لا يحبيبي، لسه الطريق طويل، بعدها لازم تتقن هذا التموضع الى ان تتعرض لاكبر عدد من الانماط ممكن
بعدها تشارك محتوى متعلق ببناء السلطه بالسوق
بس بصراحه هي عمليه ممتعه فعلا، لانها تعطي نتائج تراكميه جباره
وحاب ابدأ معك من النشره الجايه بنوع محتوى جبّار لبناء السلطه
محتوى يرفعك عن ٩٩٪ من المحتويات اللي موجوده بالسوق
بس يبغاله عصرة مخ حلوه
يالله نلتقي الربووووع الجاي .
