الســـلام عليكم ورحمه الله تعالى وبركاته ، اسعد الله مساءك بكل خير
نعم صحيح زي ما قريت بالعنوان، - يعني على اساس انه مثل وقافيه وزي كذا 😅 -
طيب قبل ثلاث ايام، كنت اقلب بالتايم لاين بـ اكس، طبعا فاتحه من المتصفح باللابتوب، وقلت اقلب على السريع 10 دقائق واروح اكمل شغل
فمر علي بوستين ورا بعض
الاول بوست من وكاله مكتوب فيه “ فالكم الفوز يالاخضر ” والثاني تغريدة من احد المبدعين بـ تويتر يتكلم عن التسويق العصبي
وطبعا اثر اني دافور ومالي في الكوره ما حنتكلم عن التغريدة الاولى 😁
فنحول مباشره لملعبنا، عند التسويق العصبي لكن مني جاي اتكلم عنه، جاي اتكلم عن المبدع اللي تكلم عنها
وهنا اذا انت متابع بتويتر ومهتم بالتسويق حتكون عرفت مباشره عن مين اتكلم (( احمد المسعري ))
مبدع خبير بالتسويق اطلق وكاله تسويقية، لكن قرر يتمركز ويتموضع بزاويه خاصه فيه بعيدا عن كل الوكالات
فطلع بمسمى التسويق العصبي
واللي فكرته كيف كل عملية تسويقية تتم وفقا للاعصاب وانماط البشر
فهمت عن ايش اتكلم ؟
اذا لقطتها فـ فعلا انك دافور
هو بالضبط نفس الموضوع اللي اتكلم عنه انا وغيري واللي هو علم النفس
لان كل التسويق اصلا قائم عليه
لكن احمد يوم حب يتفرد، قرر يركز على هذا المسمى ويروج له بكل مكان بحيث يرتبط فيه
فالان يوم نقول تسويق عصبي مباشره نقول احمد المسعري
ويوم احمد مثلا يطلب اسعار ولا عروض خاصه فيه واعلى من المتوسط، ترا عادي حقه وحيغلق صفقات
ليش؟
لان يلعب لحــــــاله
فمثلا انا اتكلم بشكل دائم عن المحتوى وارتباطه بعلم النفس، وان كل خطوه لازم تكون مدروسه بحيث تصل لهدفك بدون تشتت وخساره
يوم كنت ادخل اجتماعات، وصلت لـ 1700$ لعقد واحد وانا فرد واحد، وما احد من منافسيني ياخذ مثل هذا الرقم ليه ؟
بالضبط يعيني عليك
لكن هنا لازم اتكلم عن نقطه جدا جدا مهمه
هل كل واحد اليوم يطلع بمسمى خاص فيه، حيبدع ويصير يلعب بزاويه لحال ؟
اكيد لا
لكن ليه، لان بكل بساطه انت بحاجه يكون عندك (( سلطة معرفية - authority )) بالمجال ككل، بعدها تطلع بتموضع
فمثلا يوم انا اتكلم عن المحتوى، انا اصلا اشتغلت مع شركات كبيره، محتواي بتويتر يحقق نتائج كبيره، وبين منافسيني والمجتمع بتويتر اصنف كخبير فوقتها اقدر اطلع بتموضع خاص فيني
واصير كمرجع فيه،
طيب كيف انت بحالتك تقدر توصل لهذ المرحله ؟
1 - اتقن اللي انت شغال فيه، بحيث تصل لمرحله تفهم كل الاستراتيجيات من وين جت وعلى ايش معتمده، وحتوصل لنقطه نسمياها المسلمات، هنا مباشره تنتقل للنقطة الثانية
2 -اطلع بفكره واستراتيجية ومنظور جديدة، مثلا اللي طلع بالبن مزدوج الايحاءات، سمعت عنه ؟ - غريبه مع انه معروف 😅😆 -
3 - روج لهذ الفكره بكل مكان وبشكل قوي وبمعرفه قويه
مع عامل الوقت حتوصل لمرحله يرتبط اسمك بفلسفتك وتصير فعلا تلعب بزاويه لحالك
وبس والله اذا انت استشاري او خبير بمجالك ومحتاج اي مساعده بالمحتوى بحيث تصل لمحتوى فعلا قوي يوصلك لهدفك سواء استشاره او مساعده او اي خدمه تواصل معي خاص بتويتر وابشر حاضرين
ويالله خلك جاهز لـ الاسبوع الجاي مع حركه سويتها أخرتني شهر ونص على الفاضي، بسبب غبي الصراحه نخليها لوقتها احسن و مع السلاااامه
ختاماً
اثر انك دافور وشريك معي بنجاح هذ النشره،
الفيد باك منك سواء لنقطه عجبتك مثلا وحسيت انها قويه، او نقطه ودك احسنها،
فياليت ترد على التغريده بها، وحارد واتفاعل معك مباشره، لان فعليا الهدف نطور الى ان نصل لافضل نسخه من النشره
لا تنسى الفــــــيد بــــــاك
